მომეწონა ის ფაქტი, რომ ღმერთმა სხვადასხვა ქვეყნის წარმომადგენლები ერთი კომფერენციის ფარგლებში გაგვაერთიანა. საოცარია უფლის ნება და მისი გეგმები. ამ სემინარებმა გამამხნევა, შემმატა გამოცდილება და მეტად მიმაახლოვა უფალთან. ასევე დავინახე, რომ ზრდისთვის ძალზე მნიშვნელოვანია უფლის სიტყვის სწავლა და საკუთარ თავზე შრომა, რადგან სწორედ ამ გზით იზრდება ადამიანი ქრისტეს შემეცნებაში. ასევე ძალიან მენატრება ჩემი უცხოელი მეგობრები და იმედი მაქვს ოდესმე კიდევ შევხვდები მათ. ამავე დროს მინდა მსგავსი სემინარი ჩემს ქვეყანაში კიდევ მრავალ ადგილას ჩატარდეს, რათა მეტი ადამიანი მიეძღვნას უფალს და მისდამი მსახურებას.