History Makers beinir sjónum sínum að leiðtogum og traustu ungu fólki á aldrinum 18-35 ára. Í gegnum einstakt ferðalag eru þeim kennd átta grunngildi sem við trúum að Guð vilji sjá í lífi hvers leiðtoga. Grunngildin eru sterk og góð undirstaða þess sem byggt er ofan á. Á námskeiðinu er einnig rík áhersla lögð á að draga sig nær Guði og þátttakendur eru hvattir til þessa gefa Guði svigrúm til að starfa í lífi þeirra. Markmið og hugsjón History Makers er að byggja upp leiðtoga og styðja efnilega einstaklinga, til að hafa jákvæð áhrif á samfélag sitt til framtíðar. History Makers er komið til að setja mark sitt á söguna með útbreiðslu fagnaðarerindisins í gegnum hæfa leiðtoga. Unnið er með vaxandi leiðtogum um allan heim og er þeim gert mögulegt að hafa áhrif á ríki Guðs hér á jörðu, í dag, á morgun og um alla framtíð. Við trúum því að ungt kristið fólk, á aldrinum 18 til 35 ára, geti haft gríðarlega mikil áhrif. Ef þau viðhalda trúfesti sinni við Guð, þá hafa þau öll tækifæri til að setja mark sitt á söguna.

Fjórða History Makers námskeiðið mun fara fram í Kirkjulækjarkoti, Fljótshlíð frá helgina 8.-10. mars 2019.

Starfsteymi History Makers á Íslandi varð til fyrir Guðs tiltstilli. Hópurinn útskrifaðist allur af fyrsta History Makers námskeiðinu á Íslandi árið 2015, að Einari frátöldum en hann hafði setið námskeiðið í Bretlandi árinu áður. Yfir námskeiðið mynduðust sterk tengsl milli þeirra einstaklinga sem seinna skyldu vinna að undirbúningi og framkvæmd námskeiðsins hérlendis sem þétt heild. Fyrir History Makers 2016 hafði vantað fólk í starfsteymi námskeiðsins en góð tengsl við fyrrum þátttakendur sáu fyrir fólki viljugu til að rétta hjálparhönd. Sá grunnur sem lagður hafði verið á History Makers námskeiðinu auðveldaði nýjum einstaklingum teymisins að stíga inn í þau hlutverk sem þurfti að manna.

Innifalið er kennsla, námsgögn, gisting í tvær nætur og allar máltíðir. Við hvetjum kirkjur til að styðja verðandi leiðtoga til þátttöku á History Makers með því að greiða hluta af, eða jafnvel allan þátttökukostnaðinn. Erlendir kennarar koma til með að kenna á námskeiðinu og má því gera ráð fyrir að námskeiðið fari að mestu leyti fram á ensku.